-O- பெரியேரி கிராமம் தங்களை அன்புடன் வரவேற்கிறது...ஊர்ப்பொதுமக்கள்.......பெரியேரி வீரமணி (9047235909 - 8144322737 - 9543473522)...
-O- வீரமணி பெரியேரி -O- திருவள்ளுவர் பல்கலைகழத்தின் தேர்வு முடிவுகள் இன்று வெளியிடப்பட்டது.பார்க்க இங்கே சொடுக்கவும்... -O- பெரியேரியில் கடன் தொல்லையால் தூங்கிக்கொண்டிருந்த மனைவியின் காதில் விஷத்தை ஊற்றி விட்டு தற்கொலைக்கு முயன்ற பால் வியாபாரி. -O- பெரியேரியில் மழை வெளுத்துக்கட்டியது மக்கள் வீட்டிலேயே முடக்கம் -O- பெரியேரி வடிவேல் திடீர் உடல்நல பாதிப்பு, சேலத்தில் அனுமதி... -O- பெரியேரி உமாபிரியதர்ஷினி - திருச்சி வணங்காமுடி திருமண கோஷ்டி சென்றபஸ் கவிழ்ந்து 30 பேர் காயம். Powered By வீரமணி பெரியேரி


பெரியேரி செய்திகள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
பெரியேரி செய்திகள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

செவ்வாய், 6 நவம்பர், 2012

கடன் தொல்லையால் தூங்கிக்கொண்டிருந்த மனைவியின் காதில் விஷத்தை ஊற்றி விட்டு தற்கொலைக்கு முயன்ற பால் வியாபாரி



கடன் தொல்லையால் தூங்கிக்கொண்டிருந்த மனைவியின் காதில் விஷத்தை ஊற்றி விட்டு தற்கொலைக்கு முயன்ற பால் வியாபாரி













ஆத்தூர், நவ. 2-

ஆத்தூர் அடுத்த தலைவாசல் அருகே உள்ள பெரியேரி பகுதியை சேர்ந்தவர் ரமேஷ் (29) பால் வியாபாரி. இவரது மனைவி ராஜேஸ்வரி (24). இவர்களுக்கு பாரத் (7) என்ற மகனும், அனுஷ்கா (3) மகளும் உள்ளனர். பால் வியாபாரத்தில் ரமேசுக்கு ரூ.3 லட்சம் வரை கடன் ஏற்பட்டதாக தெரிகிறது. இதனால் மனம் உடைந்து காணப்பட்ட ரமேஷ் தினமும் குடித்து விட்டு சோர்வாக வந்து உள்ளார். மேலும் கடன் தொல்லையால் மன அழுத்தம் ஏற்பட்டு அடிக்கடி மனைவியை தற்கொலை செய்து கொள்ள அழைத்து உள்ளார். ஆனால் அவர் கடனை அடைத்து விடலாம்.

தற்கொலை செய்து கொண்டால் குழந்தைகள் நிலைமை பரிதாபம் என்று தனது கணவருக்கு ஆறுதல் கூறியிருக்கிறார். ஆனாலும் ரமேஷ் தற்கொலை செய்து கொள்ள வேண்டும் என்ற எண்ணத்திலேயே இருந்து வந்தார். நேற்று வீட்டில் ராஜேஸ்வரி தூங்கிக் கொண்டு இருந்தார். அப்போது 2 குழந்தைகளும் விளையாடி கொண்டு இருந்தனர். அப்போது வீட்டிற்கு வந்த ரமேஷ் தூங்கி கொண்டு இருந்த மனைவி ராஜேஸ்வரியின் காதில் பூச்சி மருந்து (விஷம்) ஊற்றினார். காதில் ஏதோ வருவதை உணர்ந்து கண் விழித்து பார்த்தபோது, ரமேஷ் காதில் விஷம் ஊற்றிக் கொண்டு இருப்பது தெரிய வந்தது.

இதையடுத்து ராஜேஸ்வரி அவசர அவசரமாக அதை தட்டிவிட்டார். இதனால் அந்த விஷம் அவரது கண், முகம் உள்ளிட்ட இடங்களில் ஊற்றியது. இதில் அவரது முகம், கண் வீங்கியது. மேலும் ரமேசும் பூச்சி மருந்தை குடித்து மயங்கினார். இவர்களின் அலறல் சத்தம் கேட்டு அக்கம் பக்கத்தினர் ஓடி வந்து 2 பேரையும் மீட்டு ஆத்தூர் அரசு ஆஸ்பத்திரியில் சேர்த்தனர். அங்கு அவர்கள் 2 பேருக்கும் தீவிர சிகிச்சை அளிக்கப்பட்டு வருகிறது. இதுகுறித்து தலைவாசல் போலீசார் வழக்குப்பதிவு செய்து விசாரணை நடத்தி வருகிறார்கள்.
1-11-12_findyour_INNER_468x60.gif

திங்கள், 29 அக்டோபர், 2012

திருமண கோஷ்டி சென்றபஸ் கவிழ்ந்து 30 பேர் காயம்


தலைவாசல்:
தலைவாசல் அருகே, திருமணத்துக்குச் சென்ற பஸ், மலைப்பாதையில் கவிழ்ந்து
விபத்துக்குள்ளானது. இதில், புதுமண தம்பதி உள்பட, 30 பேர், காயமடைந்தனர்.
சேலம்

மாவட்டம், ஆத்தூர் அடுத்த, தலைவாசல் வடசென்னிமலையில், பிரசித்தி பெற்ற
பாலசுப்ரமணிய ஸ்வாமி கோவில் உள்ளது. இக்கோவிலில், பெரியேரி கிராமத்தை சேர்ந்த
பாஸ்கரன் மகள் உமாபிரியதர்ஷினி 23, என்பவருக்கும், திருச்சி, ஏர்போர்ட்
பகுதியை சேர்ந்த வணங்காமுடி 27, என்பவருக்கும், நேற்று(28.10.2012) காலை, 7.30
மணியளவில் திருமணம் நடந்தது.
பின், புதுமண தம்பதி மற்றும் உறவினர்கள்,

30க்கும் மேற்பட்டோருடன், சகுந்தலா என்ற தனியார் பஸ், மலைப்பாதை வழியாக
கீழே இறங்கியது. காலை, 8.30 மணியளவில், ஆறாவது கொண்டை ஊசி வளைவில், பஸ்
திரும்பும்போது, ஸ்டீயரிங் கட்டானதால், கட்டுப்பாட்டை இழந்த பஸ், 20 அடி
பள்ளத்தில் தலைகீழாக இறங்கி நின்றது.
இதில், புதுமண தம்பதி வணங்காமுடி,

உமாபிரியதர்ஷினி மற்றும் பஸ்சில் வந்த, 30 பேரும், லேசான காயத்துடன்உயிர்
தப்பினர். அவர்கள், ஆத்தூர் அரசு மற்றும் தனியார் மருத்துவமனையில்
அனுமதிக்கப்பட்டனர்.தகவலறிந்த, ஆத்தூர் தாசில்தார் தங்கராஜ் தலைமையிலான,
காட்டுக்கோட்டை ஆர்.ஐ., பாலகிருஷ்ணன் ஆகியோர் சம்பவ இடத்துக்குச் சென்று
விசாரணை நடத்தினர்.தலைவாசல் போலீஸார், விசாரிக்கின்றனர்.

சனி, 27 அக்டோபர், 2012

தாயை திட்டியதால் தந்தையை அடித்து கொன்ற மகன் கைது

  டிசம்பர் 25,2010
 தலைவாசல் அருகே குடிபோதையில் தாயை "தகாத' வார்த்தையில் திட்டியதால், தந்தையை அடித்து கொன்ற மகனை போலீஸார் அதிரடியாக கைது செய்தனர்.சேலம் மாவட்டம் ஆத்தூர் அருகே உள்ள தலைவாசல் பெரியேரி கிராமம் அண்ணா நகர் பகுதியை சேர்ந்தவர் சுப்ரமணியன் (54). அவர், வரகூர் ஊராட்சி ஒன்றிய தொடக்க பள்ளியில் சத்துணவு அமைப்பாளராக பணிபுரிந்து வருகிறார்.சுப்ரமணியனுக்கு மனைவி தமிழ்செல்வி (45), மகன்கள் லெனின் (22), ஸ்டாலின் (19) ஆகியோர் உள்ளனர். சத்துணவு அமைப்பாளர் பணிக்கு சென்று விட்டு சுப்ரமணி, நாள்தோறும் குடிபோதையில் மனைவி, மகன்களை அடித்து துன்புறுத்தி வந்ததாக தெரிகிறது.நேற்று முன்தினம் சத்துணவு அமைப்பாளர் சுப்ரமணியன், வீட்டில் மர்மமான முறையில் இறந்து கிடந்தார். தகவலறிந்த தலைவாசல் போலீஸ் இன்ஸ்பெக்டர் புரு÷ஷாத்தமன் தலைமையிலான போலீஸார், சுப்ரமணியன் உடலை மீட்டு ஆத்தூர் அரசு மருத்துவமனைக்கு பிரேத பரிசோதனைக்கு அனுப்பி வைத்தனர்.மருத்துவ பரிசோதனையில் சுப்ரமணியத்தின் நெஞ்சு எலும்புகள் உடைந்திருப்பது தெரியவந்தது. இதுகுறித்து தலைவாசல் போலீஸார் விசாரணை நடத்தினர்.அதில், "மகன் ஸ்டாலின் தந்தையிடம் பைக் வாங்கி தரும்படி கேட்டுள்ளார். அதற்கு சுப்ரமணியன், அவரது மனைவி தமிழ்செல்வியை "தகாத' முறையில் பேசியுள்ளார். ஆத்திரமடைந்த மற்றொரு மகன் லெனின், சுப்ரமணியனின் நெஞ்சில் உதைத்துள்ளார். மயங்கி விழுந்த சுப்ரமணியன் அதே இடத்தில் இறந்துள்ளார் என்பது தெரியவந்தது. தலைவாசல் போலீஸார், தந்தையை அடித்து கொன்ற மகன் லெனினை கைது செய்தனர்.

ஆற்று வெள்ளத்தில் விழுந்த மாணவன் உயிருடன் மீட்பு

  நவம்பர் 28,2010
தலைவாசல் அருகே வசிஷ்ட நதி வெள்ளப்பெருக்கில் அடித்து செல்லப்பட்ட மாணவனை, வாலிபர் ஒருவர் ஒரு மணி நேரம் போராடி காப்பாற்றினார். சேலம் மாவட்டம் ஆத்தூர், தலைவாசல், பெத்தநாயக்கன்பாளையம், கெங்கவல்லி பகுதியில் தொடர் மழை காரணமாக வசிஷ்ட நதி, சுவேத நதிகளில் வெள்ளப்பெருக்கு ஏற்பட்டுள்ளது. இந்நிலையில் வசிஷ்ட நதி குறுக்கே உள்ள ஆறகளூர்- பெரியேரி கிராமத்திற்கு செல்லும் தரைப்பாலத்தை கடந்து சென்ற பள்ளி மாணவன் சுரேஷ் (15) தண்ணீரில் தவறி விழுந்துள்ளார். வெள்ளத்தில் சிக்கிய சுரேஷ் கூச்சலிட்டார். அதை பார்த்த பெரியேரியை சேர்ந்த கார்த்திக் (27) என்பவர் ஆற்றில் குதித்து ஒரு மணி நேரம் போராடி, சுரேஷை வெள்ளாறு அணைக்கட்டு பகுதியிலிருந்து பாதுகாப்பாக மீட்டு வந்தார். மாணவரை மீட்டு வந்த வாலிபரை பொதுமக்கள் பாராட்டினர்.

பெரியேரி சின்னத்தம்பி வேன் மோதி பலி

30 April 2012
சின்னசேலம் அருகே பைக் மீது வேன் மோதிய விபத்தில் வாலிபர் இறந்தார். மற்றொருவர் படுகாயமடைந்தார்.
சேலம் மாவட்டம் பெரியேரி கிராமத்தை சேர்ந்த பன்னீர்செல்வம் மகன் சின்னத்தம்பி(20). இவர் தனது சித்தப்பா மகன் கோபி(20)என்பவருடன் கடந்த 29ம்தேதி வி.கூட்ரோட்டில் இருந்து சின்னசேலத்திற்கு மோட்டார் பைக்கில் வந்தனர். வாசுதேவனூர் பாலம் அருகே வரும்போது சேலத்தில் இருந்து வந்த மகேந்திரா வேன் அவர்கள் மீது மோதியது. இந்த விபத்தில் படுகாயமடைந்த இருவரும் கள்ளக்குறிச்சி அரசு மருத்துவமனையில் சேர்க்கப்பட்டனர். பின்னர் மேல்சிகிச்சைக்காக சேலம் அரசு மருத்துவமனையில் சேர்க்கப்பட்ட சின்னத்தம்பி இறந்தார். கோபி சிகிச்சை பெற்று வருகிறார்.
இந்த விபத்து குறித்து சின்னசேலம் போலீசார் வழக்கு பதிந்து விசாரித்து வருகின்றனர்.

வெள்ளி, 26 அக்டோபர், 2012

எஸ்.ஆர்.எம்., முத்தமிழ் பள்ளி மாவட்ட அளவில் 2ம் இடம்



07 JUN 2012

தலைவாசல் அருகே வி.கூட்ரோடு பெரியேரி, எஸ்.ஆர்.எம்., முத்தமிழ் மேல்நிலைப் பள்ளி, எஸ்.எஸ்.எல்.ஸி., தேர்வில், சேலம் கிழக்கு மாவட்ட அளவில் இரண்டாம் இடம் பிடித்து சாதனை படைத்துள்ளது.சேலம் மாவட்டம், தலைவாசல் அருகே வி.கூட்ரோடு பெரியேரி கிராமத்தில், எஸ்.ஆர்.எம்., முத்தமிழ் மேல்நிலைப் பள்ளி உள்ளது. இந்த பள்ளியில், எஸ்.எஸ்.எல்.ஸி., தேர்வு முடிவுகளில், மாணவி இலக்கியா, 500க்கு 489 மதிப்பெண் பெற்று, சேலம் கிழக்கு மாவட்ட அளவில் இரண்டாம் இடம் பிடித்துள்ளார்.மேலும், மாணவி சத்தியப்பிரியா, 487 மதிப்பெண் பெற்று, பள்ளியில் இரண்டாம் இடமும், மாணவர் ராஜவேலு 486 மதிப்பெண் பெற்று மூன்றாம் இடமும், மாணவர் ரஞ்சித் 478 மதிப்பெண் பெற்று, நான்காம் இடமும், மாணவி சவுந்தர்யா 475 மதிப்பெண் பெற்று, ஐந்தாம் இடம் பிடித்து சாதனை படைத்துள்ளனர்.தவிர, 470 மதிப்பெண்ணுக்கு மேல் ஐந்து பேரும், 450க்கு மேல் 17 பேரும், 400க்கு மேல், 45 மாணவர்களும், மதிப்பெண் பெற்றுள்ளனர். எஸ்.எஸ்.எல்.ஸி., மற்றும் ப்ளஸ் 2 தேர்வில், அதிக மதிப்பெண்கள் பெற்ற மாணவ, மாணவியரை, பள்ளி தலைமை ஆசிரியர், நிர்வாகிகள் மற்றும் ஆசிரியர், மாணவர்களுக்கு பாராட்டு தெரிவித்து, நினைவு பரிசுகள் வழங்கினர்.

எஸ் எஸ் எல் சி யில் கிராமத்து மாணவிகள்!

-->
29 MAY 2011
பிளஸ்-2-வை போல் 10-ம் வகுப்பு தேர்விலும் நகரங்களை ஓரம் கட்டிய கிராமத்து மாணவிகள்: படிப்புக்கு ஏழ்மை தடையில்லை என்று நிரூபித்தார்கள்
எம் புள்ள டாக்டர் ஆவணும்… என்ஜினீயர் ஆவணும்… என்று எல்லா பெற்றோரும் கனவு காண்கிறார்கள்.
பிள்ளைகளின் படிப்புக்காக பலர் நகரங்களுக்கு குடிபெயர்கிறார்கள். நகர்ப்புற பள்ளிகளில் படித்தால்தான் நல்ல மதிப்பெண் வாங்க முடியும். மாணவர்களின் அறிவுத்திறன் வளரும் என்ற தவறான எண்ணம்தான் இதற்கு காரணம்.
ஆனால் படிப்புக்கு நகரம், கிராமம் என்ற பேதம் இல்லை. நகர்ப்புற மாணவர்களுக்கு கிராமத்து மாணவர்கள் ஒன்றும் சளைத்தவர்கள் அல்ல என்பது தொடர்ந்து பல ஆண்டுகளாக நிரூபிக்கப்பட்டு வருகிறது.
சமீபத்தில் வெளியான பிளஸ்-2 தேர்வில் கிராமப்புற மாணவ-மாணவிகளே சாதித்து காட்டினார்கள். நேற்று வெளியிடப்பட்ட 10-ம்வகுப்பு தேர்விலும் நகரங்களை ஓரம் கட்டி கிராமத்து மாணவ-மாணவிகள் சாதனை முத்திரை பதித்துள்ளார்கள்.
மாணவிகள் மின்னலா தேவி, சங்கீதா, நித்யா, ரம்யா, ஹரிணி ஆகிய 5 பேரும் 500-க்கு 496 மதிப்பெண்கள் பெற்று மாநிலத்தில் முதலிடத்தை தட்டிச் சென்றுள்ளார்கள்.
மின்னலாதேவி செய்யாறு அரசு பெண்கள் மேல்நிலைப்பள்ளியிலும், நித்யா ஸ்ரீவில்லிபுத்தூர் எச்.எச். மேல்நிலைப்பள்ளியிலும், ரம்யா மூலவாய்க்கால் ஸ்ரீகுருகுலம் பள்ளியிலும், சங்கீதா சேலம் ஆத்தூர் பெரியேரி முத்தமிழ் மேல்நிலைப்பள்ளி பள்ளியிலும், ஹரிணி திருவொற்றியூர் அவர் லேடி மேல்நிலைப்பள்ளியிலும் படித்து வருகிறார்கள்.
495 மதிப்பெண் பெற்று 2-ம் இடத்தை பிடித்த மேலப்பாளையம் சதாம் உசேன், தூத்துக்குடி பாக்கியஸ்ரீ, பரமக்குடி அருண் ராஜா, சாத்தூர் ஜெயப்பிரியா, ராஜபாளையம் ஹரிபாரதி, பொன்மணி, பொன்னேரி சீனிரதி ஆகியோரும் கிராமத்து சாதனையாளர்கள்.
இவர்களைப் போல் 3-வது இடத்தை பிடித்த நாகர்கோவில் நிம்ருதா, லட்சுமி பிரியா, சாத்தூர் உமா, உடுமலைப்பேட்டை குங்கும அகல்யா, கவுந்தப்பாடி இந்து, சங்ககிரி லோகேஷ்குமார், கீரனூர் விக்னேஷ்வரி, காரிமங்கலம் காவ்யா, உள்பட 24 பேரில் பெரும்பாலானோர் கிராமப்புற பள்ளிகளில் படித்து சாதனை படைத்துள்ளார்கள்.
தொடர்ந்து 26 ஆண்டுகளாக விருதுநகர் மாவட்டத்தில் இருந்து சாதனையாளர்கள் உருவாகி வருவதும் குறிப்பிடத்தக்கது. மிகவும் வளர்ச்சி அடைந்த பெருநகரமான சென்னையில் பிரபல பள்ளிகள் என்ற முத்திரையோடு அண்ணாந்து பார்க்க வைக்கும் பள்ளிகள் பல உள்ளன.
ஆனால் இந்த பள்ளிகளில் படித்த மாணவ-மாணவிகள் முதலிடத்தை பிடிக்க முடியவில்லை.   கிராமப்புற மாணவ- மாணவிகளின் இந்த விஸ்வரூப வெற்றி சாதனை நகரவாசிகளை மிரள வைத்துள்ளது. நுனி நாக்கு ஆங்கிலம், கட்டமைப்பு வசதிகள், பயிற்சிகள், அத்தனையும் இருந்தும் கிராமப்புற மாணவ-மாணவிகளிடம் போட்டியிட முடியாதது ஏன் என்று சிந்திக்க வைத்துள்ளது.
இதே வசதி-வாய்ப்புகள் கிராமப்புற மாணவர்களுக்கும் கிடைத்தால் எட்ட முடியாத சாதனை சிகரத்தை தொடுவார்கள் என்பது மட்டும் நிச்சயம்.   அதேபோல் ஏழை- பாழைகளின் பிள்ளைகளும் சாதிக்கப் பிறந்தவர்கள்தான் என்பதும் நிரூபணமாகி உள்ளது.
மாநில அளவில் 2-வது இடத்தை பிடித்த நெல்லை மேலப்பாளையம் மாணவன் சதாம் உசேனின் தாயும், தந்தையும் பீடி தொழிலாளர்கள். சென்னை பள்ளிகளில் முதலிடம் பெற்ற மாணவி ராதிகாவுக்கு தந்தை இல்லை. தாய் வசந்தி தெரு தெருவாக எலுமிச்சைப்பழம் விற்று மகளை படிக்க வைத்துள்ளார். இப்போது டி.ஜி.பி. அலுவலகத்தில் துப்புரவு தொழிலாளியாக வேலை பார்த்து வருகிறார்.
2-வது இடத்தை பிடித்த மாணவி அனுசுயாவின் தந்தை ஆட்டோ டிரைவர். மாநில அளவில் 2-வது இடத்தை பிடித்த கவரப் பேட்டை மாணவி சீனிரதியின் தந்தை வெள்ளைச்சாமி நாடார் இனிப்பு பலகாரங்கள் செய்து விற்பனை செய்து வருகிறார்.
மாநில அளவில் 3-வது இடத்தை பிடித்த பல்லாவரம் ஷபானாவின் தந்தை செய்யது முகம்மது சமையல் தொழிலாளி ஆவார். மாநில அளவில் 3-வது இடத்தை பிடித்த திருவள்ளூர் மாணவர் தனசேகரின் தந்தை இறந்து விட்டார். தாய் இந்திரா மீன் வியாபாரம் செய்து வருகிறார்.
படிப்புக்கு ஏழ்மை தடை இல்லை. கடின உழைப்பும், விடா முயற்சியும், தன்னம்பிக்கையும் இருந்தால் சாதிக்கலாம் என்பதை இவர்கள் எடுத்துக்காட்டி உள்ளார்கள்.   சாதனை படைத்த கண்மணிகள் ஒவ்வொருவரும் டாக்டர் ஆவேன், கலெக்டர் ஆவேன் என்று தங்கள் லட்சிய கனவுகளை வெளியிட்டுள்ளார்கள்.
தூத்துக்குடி மாவட்ட கலெக்டர் மகேஸ்வரன் அந்த மாவட்டத்தில் சாதனை படைக்கும் மாணவர்கள் வீட்டுக்கு சென்று பாராட்டுவேன் என்று அறிவித்து இருந்தார். அதன்படி மாநில அளவில் 2-வது இடம் பெற்ற பாக்கியஸ்ரீ வீட்டுக்கு தனது மகன்களுடன் சென்று கலெக்டர் பாராட்டு தெரிவித்துள்ளார்.
கலெக்டர் கொடுத்த இந்த உற்சாகம் வரும் தலைமுறைக்கு உந்துதலாக அமையும். கிராமங்கள்தான் நாட்டின் உயிர் நாடி என்று வாயளவில் பலரும் சொல்லி வருகிறார்கள். அதை மெய்ப்பித்த மாணவ செல்வங்களுக்கு ஜே.